Сауда-дистрибьюторлық компанияға арналған деректерді сақтау жүйесі, виртуализация және резервтік көшіру

Тапсырыс беруші

Қазақстанның үш қаласында филиалдары бар сауда-дистрибьюторлық компания, 1С-тің 120 пайдаланушысы. Құпиялылық туралы келісімге сәйкес атауын жария етпейміз.

Міндет

1С, файлдық сервер және пошта жеті жыл бұрынғы бір серверде жұмыс істейтін. Резервтік көшірмелер сыртқы дискіге қолмен жасалатын, соңғы сәтті көшірменің қашан жасалғаны белгісіз. Ай жабылған кезде 1С базасы баяулайтын, дискілер 90 %-ға толған. Сатуды тоқтатпай жабдықты ауыстырып, тексеруге болатын резервтік көшірмелер алу қажет болды.

Не істедік

• Жүктемені есептеу нақты деректер бойынша: база көлемі, бір жылдағы өсім, қатар жүретін сеанстар саны, бэкап терезесі.
• Жеткізу: SSD-кэші бар бастапқы корпоративтік деңгейдегі ДСЖ (деректерді сақтау жүйесі), виртуализацияға арналған екі сервер, 10 Гбит коммутаторлар, негізгі тіреуден тыс көшірмелерге арналған Synology желілік қоймасы.
• Виртуализация: 1С, файлдар және пошта жеке виртуалды машиналарға бөлінді, әрқайсысына ресурстар бөлінді.
• 3-2-1 схемасы бойынша резервтік көшіру: Veeam көшірмелерді Synology-ге жасайды, екінші көшірме басқа қаладағы филиалға жіберіледі, қалпына келтіру апта сайын автоматты түрде тексеріледі.
• 1С-ті көшіру демалыс күндері өтті, одан бір апта бұрын көшірмеде тест жасалды. Дүйсенбіде пайдаланушылар сол базаға кірді, тек ол жылдамырақ жұмыс істеді.
• Құжаттама және мониторинг: схема, тапсырыс берушінің қоймасындағы құпиясөздер, бэкап іркілістері туралы IT-маманға Telegram арқылы хабарламалар.

Нәтиже

1С-те айды жабу екі есе жылдам, базаны көшірмеден қалпына келтіру тестте тексерілді, жабдық үш жылдық өсімге жетеді. Толығырақ: серверлер және ДСЖ, резервтік көшіру.